小朋友專注力及記憶力測試中心
小朋友學習出現問題，專注力不足，有些科目常常都跟不到進度，這個有可能是專注力及記憶力問題，應該及早進行專注力測試 / 專注力評估，對症下藥，令小朋友重新愛上學習。
什麼是Verbatoria？
賦博 Verbatoria Hong Kong 是專注力及記憶力測試中心，技術來自俄羅斯，擁有專利及認證，與歐洲當地政府及學術機構長期合作。
測試示範
客戶推薦
阿妹現在K2正要報不同類型小學去面試，上次家姐做潛能測試後真的令我們更了解小朋友潛能，原來佢適合活動教學同英文語境強啲嘅學校，所以決定都幫阿妹book埋做潛能測試。
阿妹學習能力一向好高，好多事都一講即明，我好想知佢潛能係邊項，可以重點栽培，結果原來係數理邏輯，佢對數學、physics、computer science 科目有天份，好易明白，而且記性好好！
一睇報告就見到佢係理科人😬 基本上，阿妹所有學科上嘅記性都好好，所以佢傳統學校學習都得心應手。阿妹係邏輯思考型，只要講方法就會跟到，（家姐就係要活動教學型）唔怪之得阿妹學術方面完全無問題，呢樣和學校班主任嘅評價都好吻合！
因湊兩個關係，阿妹通常都係跟家姐學咩就學咩。做完測試後，發現兩姊妹既潛能係完全相反！家姐係音樂方面有天份，彈琴、合唱團個類會發揮得好，咁家姐一直都有學琴，報告証明我幫佢揀啱興趣☺️今次報告指出阿妹係興趣班潛能唔係普通彈琴、跳舞、畫畫，佢對於科學小實驗、小小天文家、兒童太空探索個類係好有天份，難得嘅係，有天份之餘仲要非常吸收。
果然貫徹埋佢對數理學科嘅天份一樣，我對呢方面真係零認識，導師Kath 話原來唔少有足夠資源嘅津貼小學都有引入天文望遠鏡、立體星象館、1:1飛機倉，導師建議阿妹既學科同興趣班嘅天份都係STEAM，所以如果將來揀學校，無論係私校、直資、還是官津都好，學校著重STEAM，有足夠嘅配套support，培養阿妹興趣，提升學習興趣和自主學習動機，從而加強運算思維能力，發揮創意。
以前揀學校純粹睇吓佢係適合直資定係傳統教學，間學校嘅功課大唔大壓力，又或者升中表現如何。今次阿妹做完呢個TQ test 令我好有反思，未來的世界是由資訊科技主導，阿妹又有呢方面天份，我更加可以針對佢喺學術同興趣嘅潛能去揀最適合佢發展嘅學校同興趣班，誠意推介潛能測試給予各父母，讓自己小朋友在適合的環境，適合的Area去學習。
By Heidi
Sherman喺出世之後就即刻面臨新冠疫情，到有機會去到公園玩嘅時間都顯得好細膽，為咗俾佢識應團體生活，就幫佢報咗跳舞班和N班，之後亦俾佢接觸更多唔同既課外活動。 佢今年4歲啦，變得活動開朗，而家喺Happy School和興趣班都返得好Happy，佢亦提出想學更多嘅活動，而我都想為佢增值準備出年嘅小學面試，時間好似越來越唔夠用，我開始有D迷網！ 呢個時候有朋友介紹咗Verbatoria既TQ test俾我認識，可以測試到小朋友嘅潛能、EQ、專注力和記憶力等等方面，我決定試一試，希望可以更了解佢，搵到適合佢嘅教學模式和方法。
過程中，導師Kathryn幫Sherman進行咗大概1小時嘅測試，好開心咁完成咗測試之後，第二日就收到報告，仲有Kathryn細心詳盡嘅講解。 分析結果佢嘅強項係音樂和外語，建議佢嘗試外語朗誦和音樂劇演出，平時講嘢大大聲聲嘅佢，願來真係喺聲樂方面有天份！而佢喺創造力方面都唔錯，右腦有好好發展到。 佢嘅學習模式係屬於聆聽型，音樂圖像、活動互動、團體討論都可以提升學習能力，唔怪得之前興趣班老師都讚佢記性好好，甚至講一次就記得，原來而家嘅學習模式都好適合佢，佢自然學得得心應手。平時喺屋企背中英文生字都唔容易，睇黎我要改變一吓方向。
而選擇小學方面都俾咗好好嘅方向性俾我，應該從學校嘅教學方法入手，活動教學和著重討論嘅學習模式，更能幫助佢吸收知識和啟發。 做完測試之後先發現原來理解力和記憶能力都分好多種，學術科目和興趣班的分類都好仔細，令我更加了解點樣協助佢繼續發展現有嘅興趣，同埋俾佢嘗試佢有天份而未接觸過嘅新事物。 控制EQ方面都俾咗好多意見我去幫助佢控制情緒和加強同埋心，同時可以提升佢成為成功領導者嘅能力。 呢個潛能測試真係令我了解到Sherman更深層嘅一面！如果想更了解自己嘅小朋友，發掘出平時見唔到嘅一面，或者對現時嘅教學模式迷惘嘅話，都可以試吓呢個TQ Test！
By Gigi
搵左導師Kath同呀仔做左個腦潛能測試，而個結果完全係我意料之外！ 報告suggested hobbies係musical！平時呀仔鍾意踩單車、游水，我一直以為佢擅長鍾意係運動類。雖然佢都鍾意彈琴但又多主動練習，而且之前都幫報過英文音樂劇，但上左幾堂佢就唔肯去咁我就打消左呢個興趣班的念頭。導師Kath好細心幫我分析報告呀仔語言理解能力係廣東話較高，所以唔係音樂劇唔適合而係語言、環境影響。另外係唱歌、歌舞劇的天份較高，仲建議如果學phonics 比較適合jolly/ letterland。
另一個潛能係文字表達，阿仔嘅Grammar、sentence structure、相對較強！導師Kath表示當時做有關verbal 個part的測試時，阿仔喺storytelling嗰part同圖畫形容個part滔滔不絕咁講，其實令我好surprise! 因為一直以為阿仔既表達方面弱d，雖然呢半年都進步左好多！但原來佢而家咁有進步，所以小朋友既潛能真係唔可以忽視！
最後，報告都話呀仔係一個唔太表達自內心感受的人，而我一直都知道的，但Kath係咁短內可以引導佢講出一啲心底話又係impressive!!! 我本身都係一位補習老師，睇完阿仔做完咁有用，我都會推薦俾學生既家長，等佢地早些知道那些學習模式比較適合孩子，相信對學習成長一定會事半功倍！ 如果11歲以上做仲會睇埋將來7樣最合適佢既職業，對揀科都好有幫助！
By 小學及中學功課督導導師 Miss Polly
柏言天生活潑好動，所以幫佢揀咗一間好有愛和愉快學習嘅幼稚園，但到升小嘅時候又係家長煩腦嘅時候，因為現今社會年代已經唔同以前了，揀一間近屋企嘅學校雖然方便父母接送，但未必一定適合自己嘅仔女，作為家長嘅我，很清楚明白傳統學校未必適合阿仔，所以一直希望仔仔能夠考上活動教學的直資學校，可惜最後都沒有好消息，雖然在大抽獎中柏言也入了第一志願的傳統學校，但在小一這一年其實過得不容易，因為要面對功課、測驗和考試等間題對家長同小朋友來講都產生唔小壓力…….
慶幸我搵左Verbatoria Hong Kong 做左腦電波潛能測試，知道左阿仔原來有好多潛能，佢嘅潛能係數理邏輯、空間智能同運動方面！特別係空間智能及創意嗰part好高分，柏言對二維、三維空間的想像能力較強，能夠較快認知幾何、立體圖形概念，並能善用空間概念解決數學題目。佢特別係鍾意研究「由無到有」嘅概念，呢part真係好準！！因為阿仔平時睇YouTube佢唔係淨係睇卡通片，反而佢好着迷睇啲人起屋，仲要係一片空地開始喺度起，由零到有為止！同埋佢好細個就會研究橋建築原因等等。導師透露如果有keep住栽培，大個左可以響建築師、設計師、產品設計、AR等有關行業發展。
睇埋學科talent方面，柏言係好明顯係理科，不過好彩報告顯示佢係文科既科目記憶力又唔錯，所以佢係而家間小學繼續讀都會應付到🥳
喺興趣方面，我同好多媽媽都一樣，都想佢學多啲嘢，等佢有全能發展。呢個TQ test 可以搵到佢對於邊類興趣有天份，易學上手，亦會發揮得好、去培養佢嘅自信。
報告得出柏言嘅天份係玩stem、3D打印、畫畫。另外報告顯示佢大小肌肉都發展得好好（原來有d小朋友可以只會小肌肉比較好）所以柏言對運動、彈琴、都有talent，不過佢彈琴雖然有天份，但係佢容易唔記得，要多練習先記到，有咗呢啲建議，我可以喺嚟緊嘅暑期班作出調整。
另外，阿仔專注力不大問題，反而會容易唔記得d學科，好似英文咁，Kath 建議要多練。某d學科佢又會好有記性同易學懂，我知道後可以有策略咁同佢溫習。
個報告顯示阿仔情緒方面都屬於收埋自己，的確係，好多時學校遇到唔開心佢都唔會主動講，導師Kath 有建議我報d情緒表達既社交班，同點樣同班主任溝通去幫佢。
之前都有做過皮紋分析，但該報告無咁詳細分析到佢既學科同興趣潛能，我覺得呢個腦電波測試好有用，之前都俾阿仔學好多野，想令阿仔識多d投能，而家知道佢既潛能，就可以好好分配資源去栽培佢，事半功倍。此外，整個過程Kath都好有耐性，阿仔都玩得好開心。我十分推薦俾其他家長。
By Jennifer
大抽獎前去左幫樂軒check TQ Test (潛能測試）, 令我知道更多關於樂軒嘅潛能，喺選校方面應該揀邊啲學校令我清晰好多！
一直為咗升小一選校好緊張嘅我，見到考直資時真係間間都唔收嘅？點解外補都無乜進步？真係會懷疑佢嘅能力，當時感到好沮喪。要大抽獎啦，又怕津校唔知會唔會唔啱佢。因K2老師覺得佢傳統津校模式佢都讀到嘅，但K3老師覺得活動式啱佢啲，咁我應該點揀呢？？
原來阿仔嘅音樂talent 爆燈，同我預計一樣。導師Kath詳細指出佢既音樂talent 係musical、唱歌、音樂劇方面，而唔係鋼琴或管弦樂，所以我有idea喇，興趣班原來報合唱團、音樂劇、drama係絕對促進阿仔嘅頭腦發展。
阿仔verbal 潛能都高，佢係寫作同表達都好有talent，將來可以向律師、記者、文案、老師等職業發展。而且報告指出樂軒用英文同普通話學習都教廣東話吸收，我真係好驚喜！
其實諗返平時佢睇卡通好似Lego city 、 paw patrol ，佢都係prefer 睇英文version，諗返啲細緻真係不無道理！
我同老公都好開心好驚喜，睇到阿仔嘅記性咁好，呢個報告真係好amazing, 佢可以拆開每科睇潛能同記性！
另外，我小朋友比較容易緊張，在過程中，導師Kath好有耐性而且好溫柔咁去引導我小朋友作答，令過程非常順利咁完成！
我哋睇完呢個報告，都好放心決定幫樂軒揀咗傳統學校，因為佢容易記到課堂既知識。呢個一開頭我覺得驚喜係以前佢interview 好似係認字個part表現一般，原來我地用錯左方法，其實佢記到，但要用邏輯型學習最適合佢！
老公其實一直都覺得阿仔記性唔差，只係做阿媽嘅我成日覺得佢記性麻麻，老公提醒返我，其實樂軒喺幼稚園學完嘅功課，好似文字類型嘅功課，佢係可以記得返晒，所以老公覺得個報告分析其實係符合佢平時嘅表現。
By Ceman
🔸我做TQ Test的原因 我是一個80後全職媽媽，除了照顧小朋友，我也想有自己的收入，希望工作時間有彈性之除還能自給自足 一直以來都很羨慕別人能找到自己的天賦技能，而又能持續進修成為在同行中脫穎而出，自己創業，就算有了小朋友，也不需在家庭與工作之間作出取捨 我現時狀態是沒了全職工作就感到無所適從，很無安全感，暫時對自己的新事業有幾個方向： -藝術 -教育 -Copywriting -音樂
未能下定決心專注那一樣，年紀越來越大，眼見小朋友又大得快，心裹非常焦急，不知有冇全職媽咪像我一樣每朝起身也感到很大壓力 機緣巧合之下Facebook feed了一個媽咪為她小朋友而寫的TQ Test Review廣告給我，我也想為我的小朋友做這個評估，原來至少四歲先可以做，我小朋友未夠歲數，我就自己做先，
🔸評估日 終於到了我非常期待做評估的一日，導師Kath也是媽媽，平易近人，又有同理心，知道我做完評估要接小朋友，問定我什麼時候前要走，評估比我想像中還要快完成， 等評估upload時還和我分享不只我一個媽咪做TQ Test，也有其他想花多一點時間在小朋友的媽咪來做TQ Test看有冇可能轉另一份冇咁困身的工作，
🔸出評估報告 評估報告第二日出來，不太看得明，見到自己Mindfulness得0分，很驚訝，有很多問題等Kath解釋
🔸電話解釋報告 等到電話解釋報告那天，Kath很明顯做足功課，我以為短短半小時的電話，她跟我解釋了一小時15分鐘， ▫️TQ 五大潛能 五大潛能中，我Verbal滿分、Math & Logic高分、Sports & Crafts不錯、Creativity尚可、Music最弱， 想不到我最強是Verbal，Kath解釋我言語表達較強、適合寫嘢，這個我很認同，我喜歡寫字多過講，工作上適合教書、copywriting、和語言相關的工作 數理邏輯我拿到高分，Kath解釋我是problem solving, multitasking, detailed minded person，工作上適合做accountant, auditor, engineer, IT, R&D Analyst之類的工作 我本身有彈鋼琴，想不到我Music最弱，Kath跟我解釋Music是音準方面，也對，我是天生沒有perfect pitch， Sports & Crafts我也不錯，
原來這也包括彈琴、演奏樂器，因為這也需要手指肌肉運動，
我的Creativity尚可，Creativity包括空間智能、距離感、度ideas，適合我寫copywriting度ideas如何引人click入去個廣告
▫️PQ
Risk-taking Tendency我有6分，我敢試新嘢、step out of comfort zone、會適應得好好，我家人也這樣說過我，但不是正面的意思，說我忍耐力驚人，去到邊都生存到
Stress Resistance我有7分，我也認同，以前有同事問過我點解我可以忍到… 我反而覺得同事太大反應，Kath也說我可以multi-task
Mindfulness我得0分，我很驚訝，Kath解釋我容易將情緒帶到當下，思緒好亂，我很認同，我的確好多野諗，我的掌紋也是密密麻麻，Kath建議了兩個她自己上過Mindfulness的課程給我，我回家也上網搵過，可惜是晚上不方便我上，但令我正視呢個問題
▫️EQ
評估報告寫我是屬於People Person，因為我自信心的分數低，同理心分數高，我覺得自己不是People Person，因為我不喜歡social、交際應酬的人，Kath解釋因為我同理心分數高，我能在他人的角度明白他人的感受、會換位思考，我適合團隊工作，不是我喜歡同人social的意思
▫️Thinking Type
報告寫我適合分析型的學習模式多於視覺型，Kath解釋我會鍾意自己分析、是分析型、邏輯型的人、會諗細節，我自己都認同，我很喜歡自己思考，看查案的影片也會和先生分析劇情推測誰是兇手、劇情是否合理等等
▫️Emotionality
報告寫我的情感是正常，不過不失，可以推翻我先生話我情情緒化
▫️Attention & Memory
專注性方面，我的Math & Logic 和Creativity都是綠色，但分數比Verbal和Bodily-kinesthetic intelligence低，意思我的Math & Logic 和Creativity都可以記得好好
我的Verbal和Bodily-kinesthetic intelligence分數最高，但是呈現紅色，意思我不可長時間做文字、語言、體能活動有關的工作，因為做相關工作時專注力比較短，長時間做就會冇效率，所以做相關工作時耐不耐要休息一陣
我Music是黃色，Kath表示黃色即是要多練習的意思
▫️適合我的七個工作
這報告好在的地方是建議的七份工作也對我的個人成長和對社會有幫助，其中兩個職業
我最感興趣的是：
-R&D Manager in Healthcare
Kath解釋這個工作需要同理心高和真心想幫人
-Children’s Future Image Expert
這個工作和小朋友有關，工作性質例如幫小朋友計劃將來、做一些比較另類但仍和小朋友有關的工作，Kath也做足資料蒐集給我不同意見
▫️適合我的七個興趣
最令我感到意外是最適合我學的外語是德文，其他六個興趣我也學過或者是有興趣的
▫️如果我在大公司工作，我適合的崗位是..
這報告也提到如果我在大公司工作，我適合的崗位是什麼和避免的崗位
🔸感想
這個TQ Test的流程設計得不錯，我也用過其他方法找自己的強項、適合自己的工作，但一係就是即日面對面溝通做報告，或者全文字報告及用文字解釋，這個TQ Test面對面做評核、之後電郵讓我先看一下報告、最後再在電話上解釋，令我充分明白報告內容，所以我對這個服務是比較滿意，
遲些等我小朋友夠四歲也帶他做這個TQ Test，讓我可好好安排他的課外活動和升學預備，我也推薦給問我如何部署小朋友的課外活動的親友，
我自己對自己的事業方向都有咗頭緒，至少删走音樂這欄，都有諗如果早啲知道有呢個TQ Test就好，走少很多冤枉路
Kath提到我講緊我自己時，我的腦電波比較高，真係好有趣，我很期待我小朋友做這個TQ Test
報告後面也有一些References可以自己參考，雖然這個測試不是我做這麼多測試中最多頁數的，但是真的令我有最大得着，很值得做! By Michelle
珀希從細到大數理都唔差， 同佢玩過好多數學比賽， 一直以為佢淨係鍾意數學所以每次諗d有咩數學以外嘅興趣班比佢時其實都幾頭痕。一次同學仔聚會中，發現有同學仔做左Verbatoria 嘅TQ test，可以透過test 了解多啲小朋友對於學術或興趣方面會有唔同嘅潛能， 好有趣，所以我都book左俾珀希試。
測試當日單獨交比導師Kath，短短45分鐘之間佢地好快就打開2人之間嘅話題，仲了解到阿仔內心無同我講過嘅心底話！透過腦電波潛能測試完成埋個test，有個詳細報告同我傾返。報告出黎同我認識嘅珀希一樣， 數理、音樂方面好好，運動方面較弱，但Kath 就話雖然珀希係數理有talent，不過該專注方面佢就短啲， 比如就算佢好鍾意嘅數學，想繼續加強訓練就要注意返個時間， 練習都要約20分鐘就要停一停，唔可以太長時間， 否則之後嘅時間就等如遊魂咁。
報告又有講到珀希除了數理邏輯，原來表達能力都很好，同時又對stem 科學研究/天文學/汽車/商業嘅天份都好好，而且記憶力都好。好明顯偏向係一個理科人，重點提到珀希係一個要完全”明白”的人， 唔可以靠死背去讀書， 唔明佢會問到篤（呢個都好係平時珀希嘅作風😆）所以教我可以同佢講解， 用開放式問題問佢測試佢明白程度先繼續溫習， 仲可以比多一些stem 元素野佢學會更加有發揮。
另外， 音樂方面嘅天份有提到佢對唱歌或管弦樂器比較彈琴仲好， 呢個有少少驚喜， 可以放膽比佢試下先。仲有棋藝、小小企業家遊戲都好啱珀希玩。 最後總括黎講個報告都測到阿仔強項弱項，對於珀希黎講佢本身特質比較突出， 準確度都幾高。好想推薦比身邊嘅媽媽， 可以了解下小朋友邊方面有隱藏左嘅天份， 可以盡快幫小朋友搵到佢嘅興趣， 好過要試完先知唔適合，搞到傷感情。
By 珀希媽媽
一直以黎我都很好奇心媃既成長同發展，以及將來既職業。所以從小就俾佢接觸好多唔同既課外活動同興趣班，特別o係佢揀小學和準備面試既過程中，我會好想知她o係學術同課外活動上，有咩強項同弱項，等我唔洗曬好多時間去培育一d佢冇咩天份既野，或者知道佢邊一方面係較弱既，可以增強一下💪💪
偶意地認識左Verbatoria既TQ test, 唔單止可以測試到小朋友既潛能，仲可以知道小朋友既同理心、自信心、情緒、如何處理壓力、o係小組活動上屬於咩類型既角色同有冇專注力同記憶力既問題等。測試過程入面，要戴一部儀器o係頭度，透過儀器黎接收腦前額葉腦電波既電流，測試既過程會有專人問心媃唔同範疇既問題，心媃就好開心有人陪佢玩、傾計同做題目😆😆，做完會將數據send去俄羅斯做分析。
好意外既係心媃既強項係political😯😯,呢樣野係我完全冇諗過既，但諗返起佢睇新聞既時候係特別多問題，平日係勁少問問題既🤪🤪…
仲有就係佢語言同數學既範疇都係特別好既，都俾到我有方向去俾佢參加咩活動去增強呢一方面既強項。
興趣方面，我一直都好爭札俾唔俾佢學鋼琴，宜家見到佢鋼琴方面係冇咩潛能既，咁我就唔洗花咁多資源去俾佢學，等佢可以專心學跳舞！😎😎
之前都一直覺得心媃認字方面，學完好快就唔記得，甚至有d字重覆完都係記極都記唔到🤷🏼♀️🤷🏼♀️🤷🏼♀️，而英文直頭唔用phonics係認唔到字。而報告入面提到心媃無論係學術同興趣上，記憶力都係一般，雖然未去到有專注力不足，但呢一樣都令我開始覺得需要正視！🤨
我都有再帶心媃去做醫療級別既腦電圖，測試小朋友有冇sen既問題，都係一樣發現心媃都係borderline有記憶力障礙既問題，真係好準同好有科學根據！👍👍👍
而導師Kath解釋報告解釋得好詳細，又俾左好多建議同方向我，Kath建議我o係記憶力方面可以善用佢圖像型既記憶方式去訓練心媃，又俾左好多唔同資訊我，都安慰我，原來呢類型既小朋友都有唔少，所以唔好太擔心。只要搵岩方法，加強佢既記憶力既同時，係會幫助佢發揮潛能。
而每個小朋友都係獨特既，有強有弱，我地唯一就係幫助佢發揮所長，而唔係強加一d自己認為對佢好既學習模式俾佢地，呢一樣都開啟我對育兒有新既睇法！而TQ test唔單止係for小朋友，中學同升大學時做可以幫助佢地選科，都可以幫助佢地選將來既職業！真心誠意推介！😆
By Joey
Isla 就黎升k2，下年就要開始選學校。一直心大心細佢究竟讀邊類型既學校好。一係傳統學校（着重學術，多背誦），一係比較活動性教學。 一直覺得女女係要活動教學型，因為唔想佢咁多背誦。但自從上完普通話堂，普通話老師叫佢溫書，佢都會自律地溫書，又可以背啲詞語出來。我就諗難道傳統學校佢都合適？ 於是在朋友介紹下介紹下，就決定做verbatoria呢個TQ test 有數個得着。
1. 原來Isla 係「言語表達」「空間創意」「sports」係有talent! 創意呢個對我黎講真係hidden talent! 知道佢能夠容易掌握邊方面嘅技能，重點培訓，唔好錯過上天俾佢嘅天賦。
2. Isla 係數學方面原來好專注力會比其他學科短d，導師Kath有建議我將來可以點樣幫助佢做功課，如小學需要補習，邊類型既數學補習會最適合佢！我覺得最驚喜係個report會逐個學科及興趣個去拆開睇佢既talent及學習模式，好似通識、IT、中文等有關科目，佢既記憶力及專注力又出奇地好！令我更有策略咁幫佢溫習！
3. Report仲令我知道邊種學習模式適合Isla . 希望可以搵到一間合適佢嘅學校
4.興趣班方面，原來佢對drama 好大talent，同埋小記者之類，所以我黎緊報暑期班都有啲方向！
5. 個report仲會分析Isla 性格和情感，令我真係了解到Isla 既性格。例如同理分好高分，喺平時你唔會為意到，但係細心諗，佢又真係好照顧其他人感受。同埋最緊要知道女女原來唔識得放鬆自己既情緒，讓我可以早些正視呢個問題。 我想講Kath係一個好有耐性、有愛心既導師, 解釋亦都好詳盡！Isla 本身係一個慢熱型既小朋友，但係同Kath相處都完全無問題👍 好surprise!
By Kay
做今次嘅測試真係好有驚喜!!初頭我仲擔心個仔唔合作(因為佢SEN), 但導師Kath好有親和力又好有技巧咁打好關係，又係咁把握機會讚佢，令到佢好乖好順利咁做曬成個測試。
然後份報告可清晰指住講出佢嘅天份係咩，又係呢個非常之重要!!!等媽媽同個仔都唔使盲中中不停試。而我差啲就錯過咗自己個仔最高嘅天份: 音樂!!! 其實細個我都覺得佢有編曲嘅天份 (自己改咗啲歌仔嚟唱, 但又算好聽嘅) 但係因為佢冇乜話過學音樂，而且學音樂要花好長時間、好用功，佢又有啲難搞我就冇乜點安排。但係睇完份報告先知道: 原來佢係又易明、又快記得，音樂天份好高，我爭啲錯過咗佢最高嘅天份…嗚嗚…. 另外我必須要講勁欣賞佢列數咗超級多嘅課外活動俾我睇佢嘅天份同能力 (差不多列咗40樣)，對我之後安排佢活動方便好多。
另一樣我必須要讚既係導師Kath! 望住份報告嘅時候我一知半解，但係佢講解得非常之清楚、非常之詳細，仲講咗超級無敵多建議我—同埋好detailed、好有用!佢直頭建議埋我快教仔嘅技巧、讀書嘅方向同營養品要食邊類型。我覺得呢個係佢嘅個人功力，睇得出佢有好用心鑽研過點幫小朋友，好可靠!!!
另外一點都想多謝佢，因為我自己都想知以大腦結構同能力去計嘅話，我嘅天份响邊。
佢有好細心咁溫馨提示我，自己要早過小朋友做，如果唔係會好有bias。所以我就早過佢做~都有驚喜。雖然呢刻我唔會轉行，但了解多啲自己嘅能力同學新能力嘅方法同方向都係好事～
By 升小面試培訓班資深導師Miss Cleomi
前幾天幫千千做了一個類似潛能測試的test，過程千千需要於前額葉帶著一個小小的儀器，然後回答一些問題，儀器就能接收前額葉的data，繼而精準地把千千的潛能、記憶力、專注力列出一項一項非常有參考性資料。
最amazing 的是報告會仔細列出每個學科、甚至每個興趣，千千有否這個潛能，及能不能以後天操練、學習、記憶把這些學科及興趣好好發展。同時也會建議他日合適的工作，讓家長早作準備。
原先我只以好奇心情做這個test，大家都知道我又不是虎媽，只是想孩子開開心心成長而已。不過，報告出來之後真的幾Surprise，除了報告能講出我已知的狀況外，也把一些我完全沒想過的也列出。
之前，千千見到同學仔學鋼琴，她也想學，但我不知怎的覺得不適合她，所以拒絕了；反而我有想讓她參加board game class，一來想千千易點與人相處，也能於game中學懂輸贏。 報告結果跟我想的不謀而合，千千對鋼琴的潛能非常低🫥，而因為她個性不敢於冒險，評估員也提議她多參與不同的團體活動，可以容易走出自己的comfort zone。
而最最最impress 我是，她非常適合當記者、政治家、律師等職業，因為她對政治、世界時事、經濟、歷史這些課目非常有潛能（呀媽我剛好是零興趣🫠），而興趣上於棋藝、辯論、企業家遊戲也有非常好的潛能發展。
這些是我完全沒想過的，當然報告只供參考，同時也提供一些insight給我如何於暑假為她報興趣班🙈 既然本來打算報不同的課程，看看她那類有興趣，那倒不如試下報告內提議的一、兩項給她學學，有興趣繼續，沒興趣再試，或許可以省點時間同金錢😂
By 故事療癒及畫畫治療story will tell 創辦人Wandy 老師
好慶幸今日幫阿囡揀左做Verbatoria，令我更了解明白阿囡係適合咩類型學校
阿囡由細到大都性格文靜，唔敢試新嘢，所以我哋兩公婆諗傳統學校好適合佢丫。經過一年傳統形式的學習，我地發現了不少問題，如自信偏低，害怕做錯事，害怕考試，溫習成日都好快就唔記得左。經朋友介紹下認識了Verbatoria，即刻預約做測試，去了解阿囡既Talent喺邊，究竟轉唔轉校好。
測試係透個問唔同既問題，監測腦電波既反應而得出結果。初時好擔心，阿囡唔習慣喺陌生人面前講嘢，會唔會佢keep住唔出聲，但導師都能獲得阿囡信任，引導佢答左好多問題，去到後期仲去到雞啄唔斷添，我都幾驚訝導師能引出佢呢面。
做完測試後，了解到阿囡原來適合活動教學，學習內容要圖像化，其實佢喺會學到，但如果用單向的說教，佢係好快就專注唔到，所以記唔到。報告又會知道阿囡適合有愛心既學校，要多鼓勵，在嚴厲的教導下只會佢更加退縮，唔嘗試，唔獨立到完全事情，同埋做唔到決定。除左學術外，睇到阿囡課外活動表現能力好好，對彈琴原來有Talent又記到，慶幸自己無幫佢揀錯，仲可以發展棋藝，演劇同唱歌添。阿囡一直文靜，講嘢唔叻，原來佢最有Talent竟然係Verbal，導師話佢適合做撰稿員，編劇或Solicitor，我同我老公完完全全跌眼鏡，真係唔知佢原來文筆有天份。經過綜合既意見，我好肯定要幫阿囡作出改變，用適當方法去培育佢長處。
好多謝Verbatoria測試中心，誠意推介，報告可靠，導師有耐心同提供很多指引俾我哋。
By Hidy
大女而家讀緊小六，準備升中一。襯端午節搵左Verbatoria 導師Kath 幫我女做左個腦電波測試，想了解佢有咩學科潛能同興趣發展。原來11歲仲可以睇埋將來有邊d職業base on 佢嘅潛能發揮得好好！
做咗呢個TQ Test，俾我哋知道一直擔心佢有既專注力不足問題原來係唔存在！只係佢唔夠信心，同搵唔啱溫書嘅方法⋯而家我哋了解到原來視覺型學習會好適合佢，例如mind map, flow chart, 睇YouTube ，都好啱佢，亦都了解左佢邊個學科係可以跟主流大班補習，而邊啲科目適合小班專科跟進，要留意邊個科目需要單對單補習來加強，對佢以後既學習更有幫助🙏
此外，現在我們都了解到佢對邊個學科、興趣班有潛質，邊啲學科學起上嚟相對困難吃力，對於佢之後升高中要選科，有非常實際的參考價值！更加間接俾我哋知道佢將來嘅職業路向可向邊個範疇進發😄除此之外，Kath亦都同我分享一啲育兒嘅心得、資訊，對於同小朋友嘅相處，同埋教育嘅方式有深深嘅得着🩷所以總括而言，今天真是獲益良多！
我覺得呢個分析，除咗可以幫家長實際知道小朋友嘅潛能，令佢哋更有方向去幫小朋友全力發展之外，對於準備升上中學嘅階段，更加可以知道佢哋嘅專長學科或者相對弱嘅科目從而幫助佢哋將來搵到適合佢哋嘅選修課目，甚至乎對將來嘅工作崗位，有個清晰指引嘅方向👍
值得推薦給我身邊的朋友們去體驗
By Ming
第一次做媽媽，小朋友每一個階段都希望自己做啱決定，不論興趣班定報學校都希望係最適合佢嘅，原本對於明年幫仔仔報考小學未有太大諗法，今日幫仔仔做咗個透過腦神經分析嘅潛能測試，做完對於揀學校有咗清晰嘅目標，簡直要用”叮”一聲嚟形容！
簡單嚟講，由導師Kath做完test 會收到份完整報告，報告主要分為數學邏輯、音樂、語言、運動及創意五大範圍作出分析，當中會仔細列出每個學科、甚至課外活動是否有潛質，會睇到小朋友對每方面嘅記憶力同專注力屬於乜嘢類型，了解到小朋友嘅強項同弱項。然後導師Kath會每個細項細心分析，再提供好多適合小朋友學習嘅建議，讓家長可以更了解小朋友，因材施教。
Ron自小喜歡音樂所以K1開始有學打鼓同鋼琴，未做test之前都會諗，好似偏重咗係音樂趁暑假係咪應該幫佢報啲其他興趣嘗試吓呢？但坊間太多小朋友興趣班，學術科學運動音樂舞蹈美術，五花八門，樣樣試其實都所費不菲。而今日嘅test除咗學科以外，對於佢嘅課外興趣都能夠好完整咁分析出佢對於邊方面特別有潛質，咁對父母嚟講真係可以好好分配資源重點栽培，取長補短。
Ron係個慢熱嘅小朋友，但大約20分鐘嘅測試過程中同導師Kath都有講有笑，應對自如，係短短測試時間入面仲同Kath分享自己心入面深層想法，自問係個全職媽媽自以為好了解佢，原來都有我唔知道嘅一面。全靠Kath同小朋友相處有豐富經驗先令個測試咁順利。
最後Kath 耐心一一解答我對報告內容嘅疑問，亦同我分享一啲育兒心得同教學資訊，甚至針對報告上顯示小朋友嘅需要而再提供飲食建議營養嘅攝取，非常細心❤️。
推薦比同我一樣原本冇乜諗法，唔係虎媽但都希望小朋友有個好嘅發展，想知道乜嘢學習模式先適合佢，再加上想資源用得其所😉，呢個test好有參考價值👍🏻俾家長知道小朋友適合發展嘅範疇，用乜嘢學習方法會事半功倍。
By Kimberly
親戚介紹我去Verbatoria 做個潛能測試，咁見自己都升year 3 都想睇吓自己畢業後適合做咩工作。
呢個係測試到分咗做唔同範疇，其中Verbal part 同我幾個月前喺BU 浸會大學做既一個有關Eng Intonation 既研究幾似，所以感覺上呢個test 都有科學根據。而份Test推薦嘅七大職業相當innovative，modern既同時都係對社會有幫助嘅工種。可以根據返自己嘅潛能去自我增值。
導師Kath 分析 Report嗰陣都有根據返我讀嘅Major (PR) 深入同我探討每個潛能工種可以點樣發揮我嘅能力，俾我有關未來5至10年嘅職業規劃既意見，就好似最近嘅話就係透過大學做group project 擔當leader 嘅角色開始訓練自己，同埋點運用我既同理心去協助teammate。除咗能力方面，連情緒波動同埋控制呢啲抽象嘅範疇都能夠分析到!
總括而言，呢個test 唔單止令我更加了解自己，仲有助我去規劃未來。好多謝導師Kath既幫助同埋建議，之後就會邀請大學同學參加呢個測試🤤
By 大學三年級學生Carly
時間過得好快，話咁快軒軒今年升k3了，但身為媽媽既我，都仲諗緊究竟小朋友係適合讀邊類型小學，怕幫他揀錯學校，自己其實覺得活動教學比較適合軒軒，因為佢平時好好動，坐唔定，心諗傳統學校多數都唔岩佢😅。 就係呢個時候咁岩睇朋友post左 Verbatoria Hong Kong既test資訊，原來呢個test可以解答我好多既疑問，所以尋日就搵左導師Kath去幫軒軒測試一下。
本身由做test到講解報告大約一個鐘頭左右(測試途中軒軒整斷2次線，所以重新再做🤣)，但導師Kath都好有耐性同愛心咁帶領住軒軒，全程軒軒表現都係好開心，好合作，最後好順利完成個test，做完會即時收到份完整報告, 報告主要分為數學邏輯、音樂、語言、運動及創意五 大範圍作出分析，當中會仔細列出每個學科、甚至唔同課外活動係唔係潛質，會睇到小朋友對每方面既記憶力同專注力屬於乜嘢類型，了解到小朋友嘅強項同弱項。
然後導師Kath會每個細項細心分析，再提供好多適合小朋友學習既建議，比我可以更了解小朋友，因材施教。 原來軒軒既語言同讀寫能力都十分好，特別係英文外語，好適合接受英語教學，jolly phonics都好岩佢，數學係屬於推理型，但學習時間唔可以太長(連呢個都可以分析埋🤭)，普通話都係有潛能，音樂樂器既細胞就無，但話佢唱歌，合唱團好岩佢😃。記憶力都十分好，最最最令我驚喜既報告顯示原來軒軒專注力係唔錯，係原全無問題，無論係學科定興趣上都絕對無問題，咁媽媽就放心啊😍。
由於Kath話軒軒記憶力係好唔錯，所以之後如果就算入左傳統學校都唔需要怕佢適應唔到，而且報告顯示佢竟然屬於文科人，偏向寫作揸筆，媽媽真係想像唔到，覺得軒軒將來培育佢係可以做到一個文化人，仲可以成為Mentor Leader😱🙈👍👍👍。 其實報告仲顯示埋性格，抗壓能力，挑戰能力等等，如果大家有興趣真係可以值得一試，會讓你們更了解自己小朋友潛能既一面。
By KiKi
經朋友推介搵左Verbatoria Hong Kong 幫仔仔做左個潛能測試 想了解下仔仔真正既潛能係邊個方面 平時都覺得佢記憶力唔錯 駁咀能力都好高 今日測完都令我有啲新睇法🙂仲可以幫仔仔規劃下來年既興趣班同教育方向🫶 由做test到講解報告大約一個鐘頭左右，由導師Kath好細心咁帶領住仔仔做 test，雖然仔仔搞搞震口多多把口無停過，但都好順利完成個test，做完會即時收到份完整報告, 報告主要分為數學邏輯、音樂、語言、運動及創意五 大範圍作出分析，當中會仔細列出每個學科、甚至唔同課外活動係唔係潛質，會睇到小朋友對每方面既記憶力同專注力屬於乜嘢類型，了解到小朋友嘅強項同弱項。
然後導師Kath會每個細項細心分析，再提供好多適合小朋友學習既建議，比我可以更了解小朋友，因材施教。 原來仔仔既Verbal (語言)同Creativity (空間智能)係最有潛力，反而音樂樂器既細胞就無乜XD 哈哈哈 但話佢唱歌ok wo🤣🤭 仲話佢可以做到Leader💪 同埋仔仔既記憶力都真係幾唔錯 導師Kath建議仔仔既興趣班可以係小記者同drama兩方面著手😮Drama呢個反而我從來都無諗過🤭 都可以比佢試下
By Lau Wa
今次安排仔仔做個TQ test，絕對幫到我選擇同培養仔仔嘅興趣同時發揮佢嘅潛能。測試結果指仔仔音樂嘅潛能完全係超越我對佢嘅認知，之後就諗返起之前打鼓、phonics 老師對佢嘅comment 好相近，呢個測試結果的確有啲意想不到。做完呢個test，除咗比到insight 自己幫仔仔揀適合嘅興趣重點培養之外，更重要係可以更了解佢嘅性格同能力，搵返合適、有效嘅方法幫佢學習，希望嚟緊可以快快樂樂讀小學 特別要多謝 Kath❤️，仔仔好enjoy 成個assessment 過程，Kath仲引導到佢講心底話，讚呀！
By May
多謝KATH幫阿仔做左個TQ TEST, 令我知道佢既內在潛能，亦都解開左一D我對阿仔一直以黎學習上既疑惑。原來佢係一個記憶力好好既小朋友，但同一般小朋友唔同既係，重複既鍊習對阿仔既記憶幫助唔大，因為佢係一個要先理解、後記住既人。即係如果要佢記一樣佢唔明既野，你比佢睇幾多次都無用。我先要搵方法使佢明白，之後佢就好快會記好。
所以佢有時記野記得好好, 偏偏在某D範疇佢就好似好難先記到。 另外，個TEST講到一D我一直都覺得佢做得唔錯既野，好似玩棋藝RELATED既野咁, 我一直都覺得佢有SENSE，而個REPORT亦都REVEAL到呢件事，確實係有D IMPRESS。 KATH亦比左D INPUT我，到底應該點去陪養小朋友，使佢可以更容易學習同係一D佢有潛能既領域加以發展。期望之後會幫大女做呢個TQ TEST，可以令佢更了解自己。
By Chris
做TQ test 時，導師 Kath 好有方法令囡囡樂在其中，過程中成日聽到佢地有講有笑❤️ 囡囡本身已經學咗琴9個月，所以我都好開心潛能測試結果指囡囡係彈琴方面係好有天賦，亦無專注力問題，重複性嘅練習就可以幫助到囡囡發揮得最好，係彈琴方面栽培得好嘅，他日重有機會發展成為職業。 而且個報告詳細列出囡囡係唔同學科上嘅潛能、學習及記憶效率。
以往教囡囡10以內加減時都發現佢學得比較慢，好似好難理解到咁。報告顯示佢嘅數學理解力較差，唔怪得啦，咁我哋需要多d同佢練習，等佢易d理解同記得。但原來囡囡係technology、通識、美術都好有天份，而且佢嘅學習模式偏向係重複型練習，多溫習就會發揮得好好🤩 另外，囡囡係creativity 同verbal 嘅潛力都幾好，他日會適合從事ARVR設計、designer、copywriter等職業。所以，導師 Kath 建議現階段可以比囡囡多玩lego，上吓機器人、人工智慧AI既興趣班，可以啟發囡囡創意，鍛鍊運算思維能力，好好發揮佢嘅creativity 同verbal 潛力。
加上導師 Kath 都係媽媽，所以係講解報告時，K會分享到好好嘅學習同育兒心得。加埋埋潛能測驗報告嘅參考數據，咁我哋可以更容易、更有方向地為小朋友重點栽培強項，加強練習弱項，小朋友學習起嚟自然事半功倍💪🏻
By Jane
話說之前呀女做完天賦潛能的test，我見咁有趣自己都做左🤭 而個result 又係估佢唔到咁得意！ 首先我以為自己音樂感好差，手腳協調都唔好，反而創意及說話能力以為比較好啦，點知原來我音樂同運動天賦係爆晒燈🙃 創意同寫作能力卻相對無咁強‼️ (竟然!) 而最估唔到的是，我最合適的工作係：作曲作詞🙃🙃 另外舞蹈員🫣當代舞者🫨同埋演講者（呢個我又明，我咁鐘意講野😂)都非常啱我。 見到呢個result 本身都好意外，但後來我諗番之前搵Stephen 睇人類圖，佢又真係講左我係有唱歌天賦，今次再睇番，我真係唔參加中年好聲音係浪費自己🤭 而呢個報告除咗會提議合適你的工作外，亦會提議學一些你會有天份的興趣，例如我好啱學森巴舞💃🏻、拉筋、書法等，而我真係對民族舞蹈、Pilates、Yoga都好有興趣，而書法也的確是想過學（中及英也有），所以某程度，我覺得個結果都幾乎合到我🌝 如果大家有興趣也可以約來check下，個人覺得幾有趣，也是更了解自己的一部分♥️
By 故事療癒及畫畫治療Story will tell 創辦人Wandy 老師
Thanks Kat幫我仔仔做小朋友潛能及專注力測試。報告非常詳盡，小朋友學科擅長或興趣都寫得好詳細，有邊科會較好，邊科較唔擅長👍🏻
知道小朋友原來係棋藝方面都有幾好天賦，係來緊暑假期間都可以報棋藝興趣理俾佢接觸下👍🏻
小朋友比較唔太識表達自己想法，令自己都有壓力，Kat建議多啲鼓勵仔仔表達自己，其實，唔做測試我都唔知道原來小朋友都有壓力，知道左就可以改善。
原本以為小朋友運動應該係爆燈，點知原來都較弱，甘就會知道，可以俾佢嘗試，但唔好太逼要做得好好。
好多時唔知小朋友有咩潛能，就會以家長自己認為嘅去教小朋友。呢個測試好好，可以幫助家長更了解自己小朋友的弱項，強項，可以點樣幫助小朋友。其實都可以增進大家關係。
所以我都好推薦，即時同同學仔家長講👍🏻
By Rebecca
多謝Kath既細心分析同埋建議。
呢個test真係會講到父母睇唔到既盲點。例如我地覺得阿女既運動0天分，竟然係最高分，所以我地黎緊都會嘗試比佢接觸唔同體育運動。
除興趣班外，此test亦可以給予一個選校方向。最常遇到既問題就係究竟傳統教學還是活動教學會較適合自己小朋友，怕揀錯又會令小朋友失去學習興趣。我小朋友今年K2，開始選校了，TQ test真係令我地對選校有更明確目標。
By Mandy
I greatly appreciate your visit to my place today and your assistance in evaluating my son’s latent capabilities. As his mother, I was previously unaware of these hidden potentials. With this newfound knowledge, I am now able to identify and enroll him in specialized courses tailored to his interests. This will enable him to fully harness his innate abilities and contribute to his overall development.
By Alice
I would like to express my sincere appreciation to Tutor Kath for her guidance and patience throughout the Verbatoria Test. The test has helped me learn more about myself and discover characteristics that I never thought I had before. The report provided a comprehensive overview of various aspects of my personality, including my academic strengths, emotional tendencies, and potential career paths.
What I found especially helpful was Tutor Kath’s detailed explanation of the report. She was able to clarify and simplify the information, making it easier for me to understand and interpret. Overall, I am grateful for the insights that the Verbatoria Test and Tutor Kath have provided me, and I look forward to using this knowledge to achieve my goals and aspirations.
By Burgundy, year 1 University student
隨著小朋友成長，學業壓力加大，精力和預算有限的情況下，合理分配時間上外補興趣班就非常重要，呢個test最重要係幫到家長了解小朋友talent，適合邊一種模式去學習，導師Kath因應小朋友的強弱項分享咗好多唔同嘅方法，尤其係揀學校方面要多留意嘅地方，如何提升小朋友自信，參加合適的興趣班，本身個test對小朋友強弱項結果都符合小朋友特質，值得推薦。
By Corrina
早排經Arabella同學仔媽咪介紹幫佢小朋友做完TQ test，話可以搵到hidden talent 。所以我都非常好奇幫阿囡book左做。導師Kath 好有心思咁幫阿囡做，過程中仲聽到笑聲，係講解report時好詳盡咁分析到一d我無為意過既事情eg 阿囡既情緒！ 原來囡囡對數理好有天份，但佢既數學嘅專注力相對其他科目較短，導師Kath有建議怎樣的溫習方式令阿囡sustain 到佢嘅成績。
係興趣方面，阿囡既天份令我大開眼界，我開頭都以為都係佢學琴定學畫畫好d大路嘅興趣班，原來阿囡係對天文學、玩stem、航空係有天份！因為佢既邏輯性好強！我知出面都有相關嘅興趣班，本來都無諗過同我地一家有關，睇黎我要explore 吓！ 哥哥當時聽完阿妹個report都好想知自己嘅潛能，於是當晚立即預約導師Kath 第二日幫哥哥做埋！ 報告出黎後indicate 到兩兄妹既潛能都好唔同！阿哥係文科人。佢對歷史、世界事務、通識、文學係有潛能 （阿妹就理科方面）！
而哥哥對文字表達都好出色，哥哥想將來做律事，希望佢可以和呢個目標進發。係興趣方面，哥哥對新聞時事敏感、有talent，導師好好呀，俾左好多相關既升中面試tips我，點樣透過哥哥既興趣talent，係升中面試突圍而出，超有用！ 導師好有經驗同親和力咁引導到兩兄妹講到好多內心嘅感受，有d我都唔知㗎！除左學科、興趣科潛能，我仲了解多左好多兩兄妹既內心想法同情緒感受。呢個TQ test 真係好值得做！
By Apple
囝囝今年升K2， 開始要準備幫佢選擇學校。 我想了解佢既強項同不足， 選擇適合佢既活動，於是我搵左Kath 做Verbatoria 既TQ test。 囝囝本身對drama有興趣， 我亦覺得佢對drama有啲天份，但我又唔肯定drama適唔適合佢。 測試後， 發現drama 對佢有幫助， 我好開心幫佢選擇岩佢既課外活動。 另外， 經過宜個test 我亦了解囝囝記性比較差。了解後會明白平日點解學完之後第二日唔記得， 會嘗試搵唔同方法令佢容易記得。 我非常推薦家長幫小朋友做下TQ test， 令自己更加了解自己小朋友。
By Katy
無意間喺網上見到關於TQ test嘅資料，覺得幾有趣，於是就約咗Kath幫小朋友做測試。喺做測試嘅過程中，小朋友同Kath玩得好開心。測試完好快就有報告。Kath好詳細咁解釋報告內容，亦都提供咗好多建議俾我哋去幫小朋友改善學習上嘅問題。例如報告指出小朋友係一個要先理解之後先會容易記住既人，所以之後要小朋友去做一樣嘢，我就要嘗試解釋原因，另小朋友更願意去做或記住。小朋友之前唔係好肯去認字，報告亦指出小朋友係視覺型，建議可以用flashcards嚟學習。 另外，因為小朋友有時情緒會唔好，Kath亦好有耐性咁分享佢自己嘅經驗。 所以好多謝Kath嘅幫助，希望透過TQ Test可以另我哋喺教育小朋友方面有更清晰嘅方向。 By Joyce
透過一個測試，可以了解小朋友更多，很值得試，有助家長定立怎樣幫助小朋友成長的方向。
By Ariel
得知兩個女女talent, 有預期之内亦有驚喜。Kath有耐心小朋友又玩得開心。仲分享左好多資訊，非常推薦大家。
By Wincy
非常愉快的一次測試！小朋友玩的開心，父母通過測試了解到小朋友的潛能。在未來的無論是學業還是興趣愛好，都可以提前培養同合理規劃。
By Felix 媽媽
感謝Verbatoria花咗大半日時間呢幫我幾個小朋友進行詳細專業嘅Talent Quotient measurement . 腦神經科學分析非常準確, 我們更了解小朋友嘅強項和弱項, 因材施教讓他發揮自己的天賦,萬分感謝
By Wan
The measurement is very scientific , I am very surprised about the fact that the center is working with many education institutions in Europe and the methodology is also being used in selecting Olympic athlete .
By Jessica
全能測試
測試對象必須為四歲或以上-
超過 10 個學科的天賦分析
-
40 個興趣班的天賦分析
-
記憶力及專注力
-
孩子最佳的學習模式
-
EQ 分析（自信心及同理心）
-
情緒狀況（到底孩子受壓後需要長時間再能釋放情緒）
-
還有詳盡的電話報告分析及建議
85% 兒童的專注力及記憶力被錯誤評估
導致小孩發展不喜歡的活動。
我們根據腦波律動準確判斷小孩對數學、音樂、語言、運動及創意的專注力及記憶力。
賦博專注力及記憶力測試中心 Verbatoria Hong Kong
Verbatoria 使用醫學及腦神經科學的科技 E.E.G. (腦電圖) 發現小朋友腦部對事物的專注力及記憶力。
測試對象必須為四歲或以上。
科技及方法擁有專利及認證，與歐洲當地政府及學術機構長期合作和承認。
準確度: 88% – 94%
